Óli Mittún verður frá keppni í fáeinar vikur. Ljósmynd/EPA
- Auglýsing -
Betur virðist hafa farið en áhorfðist hjá færeyska handboltastirninu Óla Mittún þegar gripið var í handlegg hans í viðureign GOG og Aalborg Håndbold í dönsku úrvalsdeildinni í handknattleik á síðasta laugardag.
Óttast var að meiðsli væri mjög alvarleg en sem betur fer virðist svo ekki vera. GOG sagði frá því í dag að um væri að ræða skaða í liðböndum sem haldi Færeyingnum frá keppni tvær til þrjár vikur.
