Pedro Nunes þjálfari Harðar. Ljósmynd/Hörður handknattleiksdeild
- Auglýsing -
Pedro Daniel Dos Santos Nunes þjálfari Harðar var í dag úrskurðaður í eins leiks bann á fundi aganefndar HSÍ. Hann hlaut útilokun með skýrslu vegna mjög ódrengilegrar framkomu í leik ÍBV 2 og Harðar í Poweraidbikar karla í Vestmannaeyjum í gærkvöld.
Aganefnd frestaði til morguns að úrskurða í máli sem snýr að Braga Rúnari Axelssyni leikmanni Harðar. Félagið fær tækifæri til þess að senda inn athugasemd áður en kemur til fullnaðarafgreiðslu aganefndar.
Í skýrslu dómara leiks ÍBV 2 og Harðar kemur fram að Bragi Rúnar hafi hegðað sér mjög ódrengilega þegar leiknum var lokið. Er það mat aganefndar að brot leikmannsins geti verðskuldað lengra bann en 1 leik.
