Gísli Þorgeir Kristjánsson skoraði sigurmark Evrópumeistara SC Magdeburg í kvöld þegar liðið vann Barcelona í Palau Blaugrana keppnishöllinni í Barcelona í annarri umferð Meistaradeildar Evrópu í handknattleik, 22:21.
Sergey Hernandez markvörður Magdeburg og verðandi markvörðu Barcelona að ári liðinu innsiglaði sigurinn er hann varði vítakast frá Ian Barrufet þegar leiktíminn var á enda. Nokkru áður hafði Viktor Gísli Hallgrímsson varið vítakast frá Ómari Inga Magnússyni.
SC Mageburg varð þar með aðeins tíunda liðið til þess að vinna Barcelona í Meistaradeild Evrópu á heimavelli en núverandi tímabil er það 29. sem Katalóníuliðið er með í keppninni.
Magdeburg var með yfirhöndina í viðureigninni frá upphafi til enda. Heimamenn, án Dika Mem, sóttu hinsvegar hart að andstæðingum sínum þegar á leið síðari hálfleik og Frakkanum Timothey N’guessan, Timothey tókst að jafna metin, 21:21, þegar rúmar fjórar mínútur voru til leiksloka. Eftir mikla spennu þá reyndist mark Gísla Þorgeirs tveimur mínútum fyrir leikslok vera sigurmarkið.
Viktor Gísli Hallgrímsson varði vítakast frá Ómari Inga Magnússyni á síðustu mínútu leiksins en annars var Emil Nielsen í marki Barelona og varði vel, 13 skot, 38%.
Verðandi markvörður Barcelona en núverandi hjá Magdeburg, Sergey Hernandez var einnig frábær, með 15 skot varin, 43%.
Ómar Ingi var markahæstur hjá Barcelona með sex mörk. Oscar Bergendahl skoraði fjögur mörk og Gísli Þorgeir skoraði þrisvar eins Sebastian Barthold.
Elvar Örn Jónsson lék nánast eingöngu í vörn Magdeburg.
Aleix Gomez Abello skoraði sjö mörk og Blaz Janc og N’guessan fjögur hvor.
Magdeburg hefur unnið tvo fyrstu leiki sína í B-riðli en Barcelona annan af tveimur.
