Fjórtán marka sigur í fyrsta leiknum hjá Viktori

KÍF frá Kollafirði hóf keppni í færeysku úrvalsdeildinni af krafti í gær undir stjórn Viktors Lekve. KÍF vann þá stórsigur á Team Klaksvík, 32:18, í KÍ-høllin í Klaksvík. Kollfirðingar voru átta mörkum yfir í hálfleik, 15:7.

Viktor tók við þjálfun hjá KÍF í sumar eftir að hafa verið þjálfari hjá KA á Akureyri undanfarin tvö ár og þar áður um árabil hjá Fjölni í Grafarvogi. Auk þjálfunar meistaraflokks karla hjá KÍF er Viktor yfirþjálfari yngri flokka félagsins.

Á föstudaginn sækja Viktor og lærsveinar liðsmenn H71 heim í Hoyvikshøllina. H71 lagði StÍF á Skála, 32:27, í fyrsta leik sínum á dögunum.