Uppselt á alla leikdaga í Porsche Arena í Stuttgart þar sem að landslið Íslands, Þýskalands, Úrúgvæ og Serbíu reyna með sér á heimsmeistaramóti kvenna í handknattleik 26. til 30. nóvember. Hætt er við að þeir Íslendingar sem hafa ekki tryggt sér miða á leiki íslenska landsliðsins í riðlakeppninni verði frá að hverfa.
Rúmar 8 þúsund áhorfendur
Ljóst að er þýska landsliðið fær góðan stuðning í leikjum sínum á HM en strax á fyrsta leikdegi, 26. nóvember, mætir það íslenska landsliðinu.
Porsche Arena rúmar um 8.000 áhorfendur í sæti, uppsett er fyrir handboltaleiki.
Gera má ráð fyrir að þýska landsliðið verði eitt þriggja liða sem komast áfram í milliriðlakeppni HM. Leikir milliriðils þýska landsliðsins verða í Dortmund. Einnig hefur verið rífandi góð sala á leikdagana í Westfalenhalle í Dortmund þannig að lítið er orðið eftir í einhverjum verðflokkum. Westfalenhalle rúmar nærri tvöfalt fleiri áhorfendur en Porsche Arena í Stuttgart.
Lífleg sala í Trier
Leikið verður í milliriðli tvö, væntanlega Þýskaland og fleiri, 2., 4. og 6. desember, en einnig er gert ráð fyrir að leikir milliriðils fjögur fari fram í sömu keppnishöll 3., 5. og 7. desember.
Eftir því sem fram kemur í fréttum frá Þýskalandi er ekki eins mikil aðsókn að leikjunum í Trier þótt reyndar hafi verið lífleg eftirspurn eftir miðum á leikdaga færeyska landsliðsins. Komist færeyska landsliðið áfram í milliriðla mætir það til leiks í Westfalenhalle í Dortmund og í milliriðil með gestgjöfum Þýskalands og vonandi einnig íslenska landsliðinu.
Rólegt er yfir miðasölu á leiki í riðlakeppninni í Hollandi, enn sem komið er.
