Það verður uppgjör á milli Reykjavíkurliðanna Vals og ríkjandi bikarmeistara Fram í undanúrslitum Coca Cola-bikars kvenna í handknattleik í Schenkerhöllinni á Ásvöllum fimmtudaginn 30. september. Dregið var í kvöld eftir að undanúrslitaleikjunum lauk.
Í hinni viðureign undanúrslitannna leiða saman hesta sína Íslandsmeistarar KA/Þórs og FH sem leikur í Grill66-deildinni.
Í karlaflokki leikur Afturelding við Íslandsmeistara Vals í fyrri viðureign undanúrslitanna föstudaginn 1. október í Schenkerhöllinni. Fram og Stjarnan eigast við í hinum leik undanúrslita Coca Cola-bikars karla síðar umrætt föstudagskvöld.
Uppfært: Þessi frétt hefur verið uppfærð og leikdögum breytt. Vegna leiks Vals í Evrópukeppni við Lemgo í Þýskalandi þriðjudaginn 28. september var ákveðið að færa undanúrslitaleiki karla af fimmtudeginum 30. september yfir til föstudagsins 1. október að beiðni Vals. Að sama skapi verða undanúrslitaleikir kvenna færðir fram um sólarhring af miðvikudegi yfir á fimmtudag, sbr. hér að ofan.
Úrslitaleikir Coca Cola-bikarkeppninnar verða eftir sem áður laugardaginn 2. október.
