FH vann sinn fyrsta leik í Grill 66-deild kvenna í handknattleik í kvöld. Hafnarfjarðarliðið vann Aftureldingu, 23:19, eftir að hafa verið tveimur mörkum undir í hálfleik, 11:9. FH situr áfram í neðsta sæti deildarinnar þrátt fyrir stigin tvö. Afturelding er áfram í fimmta sæti með þrjú stig og fjarlægist nokkuð efstu lið deildarinnar, en tvö þeirra, HK og Víkingur, eiga leiki til góða.
Afturelding komst þremur mörkum yfir eftir fyrstu sókn síðari hálfleiks, 12:9, áður en FH-inga tóku til sinna ráða og skoraði 10 mörk gegn einu frá Mosfellingum á 20 mínútna kafla. Forskot FH var sex mörk, 19:13. Þann mun náði Afturelding aldrei að vinna upp.
Ungverski markvörður FH, Szonja Szöke, var öflug.
Staðan og næstu leikir í Grill 66-deildum.
Mörk FH: Ragnhildur Edda Þórðardóttir 6, Eva Guðrúnardóttir Long 5, Elísa Björt Ágústsdóttir 4, Gyða Kristín Ásgeirsdóttir 3, Thelma Dögg Einarsdóttir 3, Ólafía Þóra Klein 1, Telma Medos 1.
Varin skot: Szonja Szöke 16.
Mörk Aftureldingar: Katrín Helga Davíðsdóttir 8, Agnes Ýr Bjarkadóttir 3, Arna Sól Orradóttir 2, Susan Ines Barinas Gamboa 2, Drífa Garðarsdóttir 1, Karen Hrund Logadóttir 1, Katrín Erla Kjartansdóttir 1, Úlfhildur Tinna Lárusdóttir 1.
Varin skot: Ingibjörg Gróa Guðmundsdóttir 8, Áslaug Ýr Bragadóttir 1.
