Víkingur komst í efsta sæti Grill 66-deildar karla í handknattleik í kvöld eftir öruggan sigur á ÍH, 37:26, í Kaplakrika. Víkingar hafa þar með unnið sér inn níu stig í fimm fyrstu leikjum sínum í deildinni. Þeir eru einu stigi fyrir ofan Gróttu og Fram 2. Síðarnefnda liðið á leik til góða gegn Selfossi 2 á morgun.
Víkingar réðu lögum og lofum í viðureigninni við ÍH. Sjö marka munur var á liðunum þegar fyrri hálfleikur var að baki, 19:12.
ÍH-menn standa í sömu sporum og Fjölnismenn og HBH-liðar með tvö stig að loknum fimm leikjum í níunda til ellefta sæti.
Mörk ÍH: Bjarki Jóhannsson 8, Daníel Breki Þorsteinsson 4, Lucas Muff Bannerholt 4, Róbert Dagur Davíðsson 3, Þórarinn Þórarinsson 3, Ari Valur Atlason 2, Benedikt Elvar Skarphéðinsson 2.
Varin skot: Kristján Rafn Oddsson 13, Jóhannes Andri Hannesson 2.
Mörk Víkings: Kristófer Snær Þorgeirsson 8, Ísak Óli Eggertsson 5, Kristján Helgi Tómasson 5, Sigurður Páll Matthíasson 5, Stefán Scheving Th. Guðmundsson 5, Rytis Kazakevicius 3, Felix Már Kjartansson 2, Páll Þór Kolbeins 2, Arnar Már Ásmundsson 1, Daníel Breki Harrason 1.
Varin skot: Daði Bergmann Gunnarsson 11, Hilmar Már Ingason 3.
Tölfræði leiksins hjá HBStatz.
Staðan og næstu leikir í Grill 66-deildum.
