KA varð fyrsta liðið til þess að tryggja sér sæti í átta liða úrslitum Poweradebikar karla í handknattleik í dag. KA vann ÍBV 2, 33:25, í íþróttamiðstöðinni í Vestmannaeyjum. ÍBV, liðið sem vann Hörð í sögulegum leik í 32-liða úrslitum voru tveimur mörkum yfir í hálfleik, 16:14.
KA-menn komust yfir fljótlega í síðari hálfleik og gáfu ekki þumlung eftir. Þrautreynt lið ÍBV 2 átti ekkert svar að þessu sinni.
Mörk ÍBV 2: Sigurbergur Sveinsson 6, Theodór Sigurbjörnsson 4, Garðar Benedikt Sigurjónsson 4, Gabríel Martinez 3, Fannar Þór Friðgeirsson 2, Sigurður Bragason 2, Grétar Þór Eyþórsson 2, Aron Heiðar Guðmundsson 1, Ágúst Emil Grétarsson 1.
Varin skot: Ekkert varið skot skráð.
Mörk KA: Jens Bragi Bergþórsson 8, Logi Gautason 7, Giorgi Arvelodi Dikhaminjia 5, Morten Linder 4, Bjarni Ófeigur Valdimarsson 3, Aron Daði Stefánsson 2, Einar Birgir Stefánsson 2, Magnús Dagur Jónatansson 2.
Varin skot: Ekkert varið skot skráð
Tölfræði leiksins hjá HBStatz.
