Myndskeið: Skotsýning Birkis Snæs í Eyjum

„Þetta var bara skotsýning,“ sagði Hörður Magnússon umsjónarmaður Handboltahallarinnar í þætti gærkvöldsins þegar rætt var um frammistöðu Birkis Snæs Steinssonar leikmanns Hauka gegn ÍBV í Eyjum á sunnudaginn í 6. umferð Olísdeildar karla.

Birkir Snær skoraði 10 mörk í 12 skotum auk þriggja stoðsendinga í leiknum. Hann hefur sprungið út með Haukum á tímabilinu og kórónaði frammistöðu sína í leiknum í Eyjum sem Haukar unnu örugglega, 39:29.

Hér fyrir ofan er myndskeið með nokkrum af mörkum Birkis Snæs í viðureigninni við ÍBV.