Dæma í Hollandi og Þýskalandi næstu daga

Nóg verður að gera við dómgæslu utanlands næstu vikuna hjá handknattleiksdómurunum Svavari Ólafi Péturssyni og Sigurði Hirti Þrastarsyni. Þeir eiga fyrir höndum tvo leiki. Fyrri viðureignin fram fer í Hertogenbosch í Hollandi á fimmtudagskvöld þegar landslið Hollands og Ítalíu mætast í undankeppni EM kvenna.

Á þriðjudaginn eftir viku verða þeir mættir til þýsku hafnarborgarinnar Kiel til þess að halda uppi röð og reglu í leik THW Kiel og pólska liðsins Rebud KPR Ostrovia Ostrow í annarri umferð riðlakeppni Evrópudeildar karla.