„Mér fannst við vera seinir í gang,“ segir landsliðsmaðurinn Þorsteinn Leó Gunnarsson leikmaður Porto í samtali við handbolta.is eftir 12 marka sigur Porto á Fram, 38:26, í fyrstu umferð riðlakeppni Evrópudeildar karla í handknattleik í Lambhagahöllinni í kvöld.
Þorsteinn Leó skoraði fjögur mörk í leiknum og var einu sinni vikið af leikvelli í tvær mínútur.
„Þeir komu okkur á óvart með því að leika sjö á sex í upphafi leiksins og það tók okkur smátíma að ná rytma í sóknarleikinn okkar. Sóknarleikurinn hökti aðeins. Þegar kom fram í síðari hálfleik gekk betur og við gengum frá þeim,“ segir Þorsteinn sem kemur annað árið í röð til Íslands með Porto til leiks í riðlakeppni Evrópudeildarinnar.
Á síðasta ári skildu Valur og Porto jöfn, 27:27. Leikmenn Porto ætluðu ekki að brenna sig á sama soðinu tvisvar. Þorsteinn segir ekkert vanmat hafa ríkt innan Portoliðsins.
„Við ætluðum bara að koma til leiks og spila okkar handbolta. Þá vorum við vissir um að vinna leikinn,“ segir Þorsteinn.
Spurður um eigin frammistöðu sagði hann hana hafa verið allt í lagi. „Ég hefði geta verið miklu betri bæði í vörn og sókn,“ segir Þorsteinn Leó.
Á köflum lékum við mjög vel, bæði í vörn og sókn
Tólf marka tap var óþarflega stórt
Evrópudeild karla “25 – riðlakeppni 32-liða – 1. umferð, úrslit
