Haukur Þrastarson er sá leikmaður þýsku 1. deildarinnar í handknattleik sem átt hefur flestar stoðsendingar í fyrstu átta umferðum deildarinnar. Haukur, sem gekk til liðs við Rhein-Neckar Löwen í sumar hefur fallið vel inn í leik liðsins og m.a. gefið 42 stoðsendingar í fyrstu átta leikjunum, rúmlega fimm sendingar að jafnaði í leik. Selfyssingurinn slær m.a. við danska handknattleiksmanninum Mathias Gidsel sem hefur þótt afburðamaður á sviði stoðsendinga eins og á fleirum sviðum handknattleiksins. Gidsel er níu sendingum á eftir Hauki í þriðja sæti eins og sakir standa.
Gísli Þorgeir Kristjánsson leikmaður Evrópumeistara SC Magdeburg er í fimmta sæti með 30 stoðsendingar. Hann hefur lokið sjö leikjum.
Hér fyrir neðan er listi yfir þá afkastamestu við stoðsendingar í þýsku 1. deildinni fram til þess á leiktímabilinu. Leikjafjöldi er innan sviga:
Haukur Þrastarson, Rhein Neckar Lowen, 42 (8).
Marian Michalczik, Hannover-Burgdorf, 39 (8).
Mathias Gidsel, Füchse Berlin, 33 (8).
Julian Köster, Gummersbach (31 (9)
Gísli Þorgeir Kristjánsson, SC Magdeburg 30 (7).
Elias Ellefsen á Skipagøtu, THW Kiel, 28 (8).
Niels Versteijnen, Lemgo Lippe, 28 (8).
Lasse Møller, SG Flensburg-Handewitt 28 (8).
Simon Pytlick, SG Flensburg-Handewitt 26 (8).
Jacob Lassen, HSV Hamburg, 26 (8).
Leif Tissier, Hannover-Burgdorf 25 (8).
Kay Smits, VfL Gummersbach, 24 (9).
Lasse Andersson, Füchse Berlin 24 (8).
Viggó Kristjánsson, HC Erlangen 23 (6).
Olle Forsell Schefvert, MT Melsungen 23 (8).
