Sérfræðingar Handboltahallarinnar, Einar Ingi Hrafnsson og Vignir Stefánsson, fóru rækilega yfir síðustu mínútu landsleiks Portúgal og Íslands í undankeppni EM kvenna, í þætti gærkvöldsins ásamt Herði Magnússyni umsjónarmanni Handboltahallarinnar.
Íslenska liðið átti þess kost að komast yfir í fyrsta sinn þegar innan við mínúta var eftir en Dana Björg Guðmundsdóttir fór illa að ráði sínu í opnu færi. Einar Ingi og Vignir voru á einu máli um að vítakast sem portúgalska liðið fékk á síðustu 30 sekúndunum fyrir leikslok hafi verið ódýrt. Portúgalska liðið skoraði sigurmarkið úr vítakastinu, 26:25.
„Vonbrigðin eru síðustu fimmtán sekúndurnar,“ sagði Einar Ingi en hann og Vignir voru sammála um að síðasta sókn íslenska landsliðsins, sjö á móti sex, hafi verið illa útfærð, endaði í hnoði og töpuðum bolta.
Myndskeið af síðustu mínútununni og umræðum úr Handboltahöllinni er í myndskeiði hér fyrir ofan.
Naumt tap í háspennuleik í Matosinhos
Undankeppni EM kvenna ”26: Úrslit leikja
A-landslið kvenna – fréttasíða
