Andri Snær hefur samið við Gróttu til tveggja ára

Markvörðurinn Andri Snær Sigmarsson hefur skrifað undir tveggja ára samning við Handknattleiksdeild Gróttu. Andri Snær er tvítugur Eyjapeyi sem hefur æft með liðinu að undanförnu. Hann hefur þegar leikið fimm leiki fyrir Gróttuliðið í Grill 66-deildinni.

„Andri Snær er góð viðbót við Gróttuliðið og myndar öflugt þriggja manna markvarðateymi með Hannesi Pétri Haukssyni og Þórði Magnúsi Árnasyni,“ segir í tilkynningu handknattleiksdeildar Gróttu.