Landslið Íslands í handknattleik karla, skipað leikmönnum 20 ára og yngri, vann A-landslið Grænlands, 30:24, í fyrri vináttuleik liðanna í Safamýri í kvöld. Íslensku piltarnir voru fimm mörkum yfir þegar fyrri hálfleikur var úti, 15:10.
Síðari vináttuleikurinn verður í Víkinni á laugardaginn og hefst klukkan 13.30. Ókeypis aðgangur verður að leiknum eins og að viðureigninni í kvöld.
Íslenska liðið var yfir frá uppafi til enda.
Grænlenska landsliðið er hér á landi í vikulöngum æfingabúðum. Heimsókn Grænlendinga er hluti af samstarfsverkefni handkattleikssambanda þjóðanna.
Mörk Íslands: Baldur Fritz Bjarnason 5, Andri Erlingsson 4, Bernard Kristján Owusu Darkoh 4, Ágúst Guðmundsson 3, Daníel Montoro 3, Jökull Blöndal Björnsson 3, Garðar Ingi Sindrason 3, Leó Halldórsson 3, Haukur Guðmundsson 1, Ingvar Dagur Gunnarsson 1.
Varin skot: Sigurjón Bragi Atlason 5, Jens Sigurðarson 4.
