Arnar Birkir Hálfdánsson og Einar Bragi Aðalsteinsson komust áfram í undanúrslit sænsku bikarkeppninnar í handknattleik með liðum sínum í gær. Arnar Birkir og félagar unnu Tyresö, 40:34, á heimavelli og samanlagt, 82:71, í tveimur viðureignum átta liða úrslita.
Arnar Birkir skoraði fimm mörk í leiknum í gær.
Einar Bragi og liðsfélagar í IFK Kristinstad unnu hörkuleik við Hammarby á útivelli, 36:35, eftir að hafa verið marki undir í hálfleik, 20:19. IFK vann einnig fyrri viðureignina, 37:34.
Einar Bragi skoraði sex mörk fyrir IFK í leiknum í Stokkhólmi í gær gegn efsta liði sænsku úrvalsdeildarinnar.
Fleiri Íslendingar í undanúrslit
Fyrr í vikunni komst HF Karlskrona, með Arnór Viðarsson innanborðs, í undanúrslitum eftir að hafa lagt IK Sävehof naumlega í tveimur leikjum. Þar með verða þrír íslenskir handknattleiksmenn í undanúrslitum sænsku bikarkeppninnar.
Síðasti leikur átta liða úrslita fer fram í dag þegar Ystads IF HK tekur á móti IFK Skövde. Ystad vann fyrri viðureignina með fimm marka mun, 29:24.
