Viktor Gísli Hallgrímsson landsliðsmarkvörður varði tvö vítaköst í kvöld þegar Barcelona vann fyrrverandi samherja hans í pólska meistaraliðinu Wisla Plock, 30:24, í sjöundu umferð B-riðils Meistaradeildar Evrópu í handknattleik í Barcelona.
Annað vítakastið sem Viktor Gísli varði má sjá í samantektinni hér fyrir neðan.
Með sigrinum treysti Barcelona stöðu sína í öðru sæti riðilsins með 12 stig, liðið er tveimur stigum á eftir Evrópumeisturum SC Magdeburg sem unnið hefur allar viðureignir sínar til þessa, síðast í gær gegn RK Zagreb, 27:22.
Í A-riðli Meistaradeildar töpuðu Orri Freyr Þorkelsson og samherjar í Sporting Lissabon með eins marks mun, 38:37, á heimavelli fyrir þýska meistaraliðinu Füchse Berlin. Orri Freyr skoraði sex mörk, þar af fjögur úr vítaköstum.
Bræðurnir Francisco og Martím Costa voru að vanda í aðalhlutverki hjá Sporting. Þeir skoruðu 21 mark samanlagt, þar af skoraði sá fyrrnefndi í 12 skipti í 13 tilraunum.
Mathias Gidsel skoraði 13 mörk og gaf sex stoðsendingar fyrir lið Füchse. Lasse Bredekjær Andersson og Tobias Grøndal skoruðu átta sinnum hvor.
Füchse Berlin er efst með 14 stig í A-riðli eftir umferðirnar sjö. Sporting hefur átta stig eins og Nantes og One Veszprém í þriðja til fimmta sæti.
Kielce og Aalborg Håndbold skildu jöfn í Póllandi, 32:32, og Nantes vann lánlaust lið Dinamo Búkarest, 35:28. Farið er að hitna hressilega undir þjálfara Dinamo, Paulo Pereira, sem tók við þjálfun í sumar.
Staðan í A-riðli:
Staðan í B-riðli:
Sjöundi sigur Magdeburg – Pelister vann í Bitola – myndskeið
