Heimsmeistaramótið í handknattleik kvenna sem hefst á miðvikudaginn verður síðasta stórmót Katrine Lunde, markvarðar norska landsliðsins, í nærri aldarfjórðung. Lunde, sem er einn allra besti og sigursælasti markvörður sögunnar, segir frá þessu á Instagram. Lunde, sem er 45 ára gömul, hefur m.a. unnið 12 sinnum gullverðlaun á stórmóti með norska landsliðinu og sjö sinnum verið í sigurliði í Meistaradeild Evrópu.
Verðlaunapeningar með landsliði og félagsliðum af annarri tegund en úr gulli eru á þriðja tuginn. Einnig hefur Lunde margoft verið valin besti markvörður stórmóta.
Óvíst er hvað tekur við hjá Lunde eftir áramótin. Samningur hennar við Rauðu stjörnuna í Belgrad rennur þá út. Lunde hefur sagt að hugur hennar standi til þess að ljúka a.m.k. þessari leiktíð með félagsliði þótt ekki verði framhald á veru hennar hjá Rauðu stjörnunni.
