- Auglýsing -
Aganefnd Handknattleikssambands Evrópu hefur sektað Snorra Stein Guðjónsson þjálfara karlaliðs Vals um 1.000 evrur, jafnvirði 151.000 króna fyrir framkomu í garð dómara og eftirlitsmanns eftir viðureign Vals og Lemgo í annarri umferð Evrópdeildarinnar í Origohöllinni á síðasta þriðjudag.
Aganefndin segir framkomu Snorra Steins hafa verið óviðunandi og óíþróttamannslega og skaða ímynd íþróttarinnar.
Hægt er að áfrýja úrskurðinum innan sjö daga.
Valur og Lemgo mætast öðru sinni á heimavelli Lemgo annað kvöld klukkan 18.45. Lemgo vann fyrri leikinn með einu marki, 27:26.
- Auglýsing -
