Hleypur á snærið hjá Kórdrengjum

Enn og aftur virðist hafa hlaupið á snærið hjá nýliðum Kórdrengja í Grill66-deild karla í handknattleik. Samkvæmt heimildum handbolta.is hefur markvörðurinn Birkir Fannar Bragason ákveðið að leika með liði Kórdrengja.

Birkir Fannar lék fimm keppnistímabil með FH áður en hann ákvað að rifa seglin eftir síðasta keppnistímabil. Birkir Fannar hefur einnig leikið með Selfossi auk Randesund, Kristiansund og HHK í Noregi. Hann er þrautreyndur markvörður og á vafalaust eftir að styrkja lið Kórdrengja sem tapaði fyrir ungmennaliði Aftureldingar í fyrstu umferð Grill66-deildar á síðasta laugardag, 30:26.

Straumurinn liggur til Kórdrengja