Sennilega skemmtilegasti leikur sem ég hef spilað

„Úrslitin eru ógeðslega svekkjandi en á sama tíma var síðari hálfleikurinn sennilega skemmtilegasti leikur sem ég hef spilað,“ sagði Elín Klara Þorkelsdóttir landsliðskona í handknattleik í samtali við handbolta.is í kvöld eftir eins marks tap íslenska landsliðsins fyrir Serbum, 27:26, í æsilega spennandi leik í Porsche Arena í Stuttgart.

„Allar komu með framlag, við spiluðum vel og ég er ógeðslega stolt af liðinu. Frammistaðan sýndi að við stöndum jafnfætis serbneska liðinu ef við spilum almennilega og berjum á þeim. Við gerðum það svo sannarlega í síðari hálfleik,“ sagði Elín Klara enn fremur.

Lengra viðtal við Elínu Klöru í myndskeiði hér fyrir neðan.