„Nóttin var allt í lagi en ég var reyndar lengi að sofna,“ sagði Þórey Anna Ásgeirsdóttir landsliðskona í handknattleik þegar handbolti.is hitti hana fyrir utan hótel landsliðsins í Stuttgart. Þórey Anna, sem lék sinn 50. landsleik í gærkvöld, fékk dauðafæri til þess að tryggja íslenska landsliðinu jafntefli við Serba á síðustu sekúndu. Því miður sá serbneski markvörðurinn við Þóreyju Önnu.
„Ég hef svo sem hugsað um þetta færi nokkrum sinnum, rennt því í gegnum hugann. Ég reyni hins vegar einnig að hugsa um eitthvað annað akkúrat núna. Þetta gerðist og ég myndi ekki hika við að taka þetta skot aftur,“ sagði Þórey Anna ákveðin.
„Stundum gengur þetta bara svona. Sumt gengur ekki allt upp og það er allt í góðu,“ sagði Þórey Anna sem er þegar farin að leiða hugann að viðureigninni við Úrúgvæ í lokaumferð riðlakeppninnar á morgun.
Lengra viðtal við Þóreyju Önnu er að finna í myndskeiðinu hér fyrir ofan.
A-landslið kvenna – fréttasíða.
HM kvenna ”25 – dagskrá, riðlakeppni, úrslit
Landslið Íslands á HM kvenna 2025
