Sigurinn á Úrúgvæ á heimsmeistaramóti kvenna í handknattleik í dag, 33:19, er sá fyrsti hjá íslensku landsliði í boltaíþrótt í lokakeppni stórmóts síðan karlalandsliðið í handbolta vann Argentínu í síðasta leik sínum á HM í Króatíu 26. janúar 30:21.
Síðan að karlalandsliðið vann leikinn við Argentínu í hefur kvennalandsliðið í fótbolta og karlalandsliðið í körfubolta tekið þátt í lokakeppni Evrópumóta án þess að hafa unnið leik.
Í milliriðil í fyrsta sinn
Sigurinn á Úrúgvæ er þar af leiðandi sögulegur um leið og hann tryggir íslenska landsliðinu sæti í milliriðlakeppni HM í fyrsta sinn síðan núverandi leikskipulag var tekið upp með 32 liðum á HM frá og með HM 2021.
Þrír sigrar og þrjú töp 2011
Á HM 2011 var Ísland fyrst með í kvennaflokki. Þá unnust þrír leikir, 22:21 gegn Svartfjallalandi, 26:20 gegn Þýskalandi og 23:16 gegn Kína. Þrír leikir töpuðust: fyrir Angóla 28:24 og 27:14 fyrir Noregi og 30:23 fyrir Rússlandi í 16-liða úrslitum. Niðurstaðan 12. sæti af 24 liðum sem er besti árangur Íslands á HM til þessa í kvennaflokki.
Síðast var íslenska landsliðið með á HM kvenna 2023 í Danmörku og Noregi og varði í 25. sæti og vann forsetabikarinn, varð sem sagt í „efsta sæti“ af neðstu átta liðum mótsins.
