Íslenska landsliðið í handknattleik kvenna kom til Dortmund frá Stuttgart eftir hádegið í dag og æfði í keppnissal í borginni. Um létta æfingu var að ræða þar sem leikmenn náðu úr sér leiknum í gær, svo kölluð endurheimt, og eins liðkuðu þær sig til eftir notalega rúmlega 3 tíma lestarferð á milli borganna.
Í kvöld gafst íslenskum fjölmiðlum kostur á að ná í efni fyrir miðla sína á stuttum fundi á hóteli landsliðsins, Radison Blu, í Dortmund. Fyrsti leikur íslenska landsliðsins í milliriðlakeppni heimsmeistaramótsins verður annað kvöld við Svarfellinga. Flautað verður til leiks í Westfalenhallen klukkan 18.
Hafliði Breiðfjörð ljósmyndari smellti af nokkrum myndum þegar fjölmiðlamenn ráku inn nefið á Radison Blu í kvöld í stund milli stríða.
-Smella má myndirnar til þess að sjá þær stærri.
