Arnar Pétursson landsliðsþjálfari segir landslið Svartfellinga vera um margt svipað serbneska landsliðinu sem íslenska landsliðið mætti í riðlakeppni HM í Stuttgart í síðustu viku. Það hefur sömu einkenni eins og landsliðin frá þessu svæði, mikil ástríða, leikmenn leggja sig fullkomlega fram.
„Þetta er stríð og endalausir bardagar sem við verðum að vera klár í frá upphafi. Eins og Serbarnir þá hafa Svartfellingar á að skipa stórum og öflugum línumanni sem er liðinu mikilvægur ásamt skyttunni vinstra megin. Svo er miðjumaður svartfellska liðsins frábær,“ segir Arnar.
Viðureign Íslands og Svartfjallalands hefst klukkan 17 í dag í Westfalenhallen í Dortmund. Handbolti.is verður á staðnum og fylgist grannt með viðureigninni.
Lengra viðtal við Arnar er í myndskeiði hér fyrir ofan.
