Serbar unnu frábæran sigur á Spánverjum í fyrstu umferð í milliriðli tvö á heimsmeistaramóti kvenna í handknattleik, 31:29, í Westfalenhallen í Dortmund. Serbneska liðið sneri leiknum sér í hag með miklum endaspretti en 13 mínútum fyrir leikslok voru Spánverjar sex mörkum yfir, 26:20. Þá skoraði serbneska liðið átta mörk gegn einu spænsku á 10 mínútna kafla og komst yfir, 28:27.
Síðustu mínúturnar voru rafmagnaðar. Markvörður serbneska liðsins, Jovana Risovic, varði allt hvað af tók og spænska landsliðið varð að játa sig sigrað.
Þar með dró verulega úr möguleikum Spánverja á sæti í átta liða úrslitum þar sem lið þeirra hefur tapað fyrir Færeyingum auk Serba í dag.
Serbar hafa þar með fjögur stig en Spánverjar tvö.
Klukkan 17 mætast landslið Íslands og Svartfjallalands í næsta leik milliriðils tvö.
