- Auglýsing -
Dómstóll HSÍ hefur fellt dóm í kæru Víkings vegna framkvæmdar leiks liðsins við Val 2 í Grill 66-deild karla í nóvembermánuði. Dómurinn féll Val í vil og kröfum Víkings hafnað þar sem um dómaramistök hafi verið að ræða og þau verða ekki aftur tekin. Auk þess var Víkingi gert að greiða Val 50 þúsund kr. í málskostnað.
Kæran er lögð fram vegna dómaramistaka en rangur maður tók á sig refsingu þegar Valsmenn gerðust brotlegir síðla leiks. Virtist það alveg fara fram hjá dómurum leiksins að maðurinn sem þeir viku af leikvelli hélt áfram eins og ekkert hefði í skorist meðan samherji hans sat saklaus í skammarkróknum.
Víkingur tapaði leiknum og er jafn Gróttu í efsta sæti Grill 66-deildar. Úrslit leiksins standa.
Nánar er hægt að lesa dóminn hér.
- Auglýsing -
