Samstaða meðal handknattleikssambanda Evrópu um endurnýjun í forystu Alþjóða handknattleikssambandsins virðist vera að rofna, ef hún var einhvern tímann fyrir hendi. Philippe Bana, forseti franska handknattleikssambandsins, segir í viðtali við Gohandball að franska handknattleikssambandið ætli að styðja Egyptann Hassan Moustafa til endurkjörs á þingi IHF í Kaíró 19. desember.
Þrír Evrópubúar hafa ákveðið að gefa kost á sér gegn Moustafa sem hefur verið forseti IHF í aldarfjórðung. Talið er að Gerd Butzeck, sem þýska handknattleikssambandið styður, geti orðið Moustafa einna skeinuhættastur.
Bana segir Moustafa einfaldlega verið besta kostinn í stöðunni. Hann hafi unnið afar gott starf á vegum IHF og eigi að fá tækifæri til að halda áfram að leiða hreyfinguna.
Franski netmiðillinn Handnews segir að það ráði miklu um afstöðu Bana og Frakka að Joël Delplanque, fyrrverandi forseti franska handknattleikssambandsins, er annar varaforseta IHF. Bana er sagður hafa augstað á embættinu þegar Delplanque dregur sig í hlé.
Óviðunandi að 81 árs maður sé endurkjörinn án mótframboðs
Enginn bilbugur á Moustafa – sækist eftir endurkjöri á heimavelli
Þriðji frambjóðandinn sækist eftir stól forseta IHF
Þjóðverjar styðja framboð Butzeck til forseta IHF
Enginn hefur gert meira fyrir þýskan handbolta en Moustafa
