Gunnar úr leik með Val fram yfir EM á næsta ári

Handknattleiksmaðurinn efnilegi hjá Val, Gunnar Róbertsson, verður frá keppni í allt að tvo mánuði. Hann brákaði við bein og tognaði eftir því sem Ágúst Þór Jóhannsson, þjálfari karlaliðs Vals, segir við Handkastið.

Gangi þetta eftir leikur Gunnar ekki með Val á ný fyrr en eftir að keppni hefst í Olísdeild karla í byrjun febrúar, að loknu Evrópumóti karla í handknattleik. Hlé verður gert á í Olísdeild karla meðan mótið fer fram.

Þátttaka með U18 úr sögunni

Einnig verður Gunnar ekki með 18 ára landsliðinu á Sparkassen Cup-mótinu í Þýskalandi á milli jóla og nýárs. Gunnar var valinn í 18 ára landsliðið á dögunum.

Valur sækir FH heim í Kaplakrika í kvöld í 13. umferð Olísdeildar karla. Flautað verður til leiks klukkan 19.30.