Fjölnismenn voru ekki í vandræðum með Val 2 í viðureign liðanna í Grill 66-deild karla í handknattleik í Fjölnishöllinni. Í leiknum sem markaði upphaf 15. umferðar deildarinnar voru leikmenn Fjölnis með forystu frá upphafi til enda. Staðan var 17:11 að loknum fyrri hálfleik.
Fjölnir hefur þar með 15 stig eftir 15 viðureignir. Valur er stigi fyrir ofan og á tvo leiki til góða á Fjölni.
Með sigrinum í kvöld eru Fjölnismenn komnir í vetrarleyfi frá kappleikjum í Grill 66-deildinni og mæta næst til leiks í febrúar. Piltar í Val 2 eiga einn leik eftir í deildinni fyrir jólaleyfi.
Fjölnir mætir ÍR í átta liða úrslitum Poweradebikarsins á heimavelli á föstudaginn eftir rúma viku.
Mörk Fjölnis: Aðalsteinn Örn Aðalsteinsson 11, Óli Fannar Pedersen 5, Victor Máni Matthíasson 5, Alex Máni Oddnýjarson 4, Heiðmar Örn Björgvinsson 3, Kristján Ingi Kjartansson 2, Viktor Berg Grétarsson 2, Darri Þór Guðnason 1.
Varin skot: Bergur Bjartmarsson 11, Pétur Þór Óskarsson 1.
Mörk Vals 2: Daníel Montoro 8, Logi Finnsson 7, Jóhannes Jóhannesson 5, Bjarki Snorrason 4, Knútur Gauti Eymarsson Kruger 3, Kári Steinn Guðmundsson 1, Ísak Buur Þormarsson 1.
Varin skot: Jens Sigurðarson 10.
Staðan og næstu leikir í Grill 66-deildum.
