Alfa Brá Oddsdóttir Hagalín leikmaður Fram og landsliðsins var valin besti leikmaður 10. umferðar Olísdeildar kvenna í handknattleik hjá Handboltahöllinni, vikulegum þætti sem er á dagskrá sjónvarps Símans. Tíunda umferð fór fram á laugardag og sunnudag.
Alfa Brá fór á kostum í sigri Fram á ÍR, 30:27, í viðureign liðanna í Skógarseli á laugardaginn. Hún skoraði 9 mörk úr 12 skotum, var með 6 sköpuð færi og 10 lögleg stopp í vörninni.
Lið 10. umferðar Olísdeildar kvenna:
Hægra horn: Alexandra Ósk Viktorsdóttir, ÍBV 4*.
Hægri skytta: Jóhanna Margrét Sigurðardóttir, Haukum 3*.
Miðjumaður: Sandra Erlingsdóttir, ÍBV 2*.
Vinstri skytta: Alfa Brá Oddsdóttir Hagalín, Fram 2*.
Vinsta horn: Ásthildur Jóna Þórhallsdóttir, Val 4*.
Línumaður: Ásdís Guðmundsdóttir, Fram 2*.
Markvörður: Sara Sif Helgadóttir, Haukum 4*.
Varnarmaður: Elísa Elíasdóttir, Val 2*.
(*Hversu oft í liði umferðarinnar)
Þjálfari umferðarinnar: Haraldur Þorvarðarson, Fram 1*.
Leikmaður 10. umferðar: Alfa Brá Oddsdóttir Hagalín, Fram 1*.
(*Hversu oft í valin/n þjálfari eða leikmaður umferðarinnar).
