Elmar Erlingsson og liðsfélagar í Nordhorn-Lingen unnu Eulen Ludwigshafen, 26:20, í 2. deild þýska handknattleiksins í gærkvöld. Leikið var á heimavelli Ludwigshafen sem var marki yfir í hálfleik, 13:12. Nordhorn er áfram í 5. sæti deildarinnar með 23 stig af liðum þegar 16 umferðum er lokið. Efstu liðin þrjú eru aðeins þremur stigum framar.
Elmar skoraði ekki mark í leiknum í Ludwigshafen. Hann er skráður fyrir einni stoðsendingu.
Eins og í sigurleiknum á Tusem Essen fyrr í vikunni þá fór Kristian van der Merwe, markvörður Nordhorn, á kostum í leiknum. Hann var með 39% hlutfallsmarkvörslu að baki öflugum varnarleik Nordhorn-liðsins sem fékk aðeins á sig sjö mörk í síðari hálfleik.
Elmar og félagar eiga einn leik eftir fyrir áramót. Þeir sækja Krefeld heim á sunnudaginn.
Staðan í 2. deild:
