- Auglýsing -
Olísdeildarliði HK í handknattleik kvenna gæti borist góður liðsauki á næstunni en samkvæmt heimildum handbolta.is hefur Guðrún Erla Bjarnadóttir hug á að ganga til liðs við Kópavogsliðið.
Guðrún Erla kom til Fram sumarið 2020. Hún var í leikmannahópi Fram í tveimur fyrstu leikjunum í Olísdeildinni og eins í leiknum við KA/Þór í meistarakeppninni fyrir mánuði. Guðrún Erla var hinsvegar ekki í leikmannahópi Fram gegn KA/Þór né á móti Val í Coca Cola-bikarnum fyrir og um nýliðna helgi.
Guðrún Erla, sem getur leikið jafnt á miðjunni og í vinstri skyttu, þekkir til í herbúðum HK en hún lék með liði félagsins fyrir nokkrum árum. Hún er reynslumikil og hefur einnig leikið með Stjörnunni og Haukum auk þess að hafa um skeið verið viðloðandi landsliðið.
- Auglýsing -
