Dagur Sigurðsson landsliðsþjálfari Króatíu tilkynnti í dag hvaða 22 leikmenn eiga að mæta á æfingu króatíska landsliðsins Prelog sunnudaginn 2. janúar. Væntanlega munu 18 af þessu leikmönnum taka þátt í Evrópumótinu sem hefst hjá króatíska landsliðinu gegn landsliði Georgíu í Malmö laugardaginn 17. janúar. Eftir það taka við leikir 19. og 21. gegn Hollandi og Svíþjóð. Tvö lið halda áfram keppni í milliriðla og mæta m.a. liðum úr riðli Íslands á næsta stigi Evrópumótsins.
Línumaðurinn Marin Sipic er sá eini af helstu landsliðsmönnum Króatíu síðustu ári sem er ekki í hópnum. Sipic er meiddur á hné og hefur verið afskrifaður sem þátttakandi á EM. Eins og eflaust einhverja rekur minni til hætti Domagoj Duvnjak að leika með landsliðinu eftir HM í ársbyrjun.
Króatar æfa í Prelog fram til 8. janúar þegar þeir mæta þýska landsliðinu í vináttuleik í Zagreb Arena. Fljótlega eftir leikinn verður farið til Hannover í Þýskalandi og leikinn annar leikur við þýska landsliðið 11. janúar. Í Hannover verður Dagur með sína menn fram til 15. janúar þegar farið verður til Malmö í Svíþjóð.
EM-hópur Króata.
Markverðir:
Dominik Kuzmanovic, Vfl Gummersbach.
Matej Mandic, SC Magdeburg.
Dino Slavic, Limoges handball.
Aðrir leikmenn:
David Mandic, MT Melsungen.
Marin Jelinic, Pick Szeged.
Zvonmir Srna, Montpellier.
Tin Lucin, RK Nexe.
Leon Ljevar, RD LL Griist Slovan.
Marko Mamic, SC DHfK Leipzig.
Luka Cindric, One Veszprém.
Ivano Pavlovic, RK Zagreb.
Diano Neris Cesko, RK Izvidac.
Ivan Martinovic, One Veszprém.
Mateo Maras, PSG.
Luka Lovre Klarice, RK Zagreb.
Patrik Martinovic, Kadetten Schaffhausen.
Mario Sostaric, Pick Szeged.
Filip Glavas, RK Zagreb.
Veron Nacinovic, THW Kiel.
Josip Simic, HSG Wetzlar.
Zlatko Rauzan, MRK Sesvete.
Leon Susnja, Orlen Wisla Plock.
