Bent Nygaard, fyrrverandi þjálfari Fram og ÍR og núverandi sérfræðingur um handknattleik hjá dönsku sjónvarpsstöðinni TV2, nefnir tvo íslenska handknattleiksmenn í samkvæmisleik hvar hann svarar því hverjir séu bestu handknattleiksmenn heims um þessar mundir.
Nygaard raðar leikmönnunum í tíu sæti. Hann segir Gísla Þorgeir Kristjánsson vera þriðja besta og Ómar Inga Magnússon í tíunda sæti.
Vitanlega eru danskir handknattleiksmenn fyrirferðarmiklir á lista Nygaard sem nefnir fjóra til sögunnar. Mathias Gidsel er sá besti að mati Nygaard. Markvörðurinn Emil Nielsen er í öðru sæti. Samherji Gísla Þorgeirs og Ómars Inga hjá Magdeburg, Magnus Saugstrup er í fjórða sæti. Simon Pytlick er í 7. sæti.
Aðrir sem komast á lista Nygaard eru Svíinn Felix Claar í fimmta sæti, Sergey Hernandez markvörður í áttunda sæti. Frakkarnir Ludovic Fabregas og Dika Mem eru í 6. og 9. sæti. Rökstuðning fyrir valinu má lesa hér.
Fimm frá sama liðinu
Claar og Hernandez leika með SC Magdeburg eins og Gísli Þorgeir, Ómar Ingi og Saugstrup. Liðið á þar með helming leikmanna á lista Danans.
Rökstuðning Nygaard er hægt að lesa hér.
