Grunur er uppi um að Kristján Örn Kristjánsson, Donni, sé kviðslitinn. Eins og kom fram í morgun hefur hann dregið sig út úr landsliðinu sem tekur þátt í Evrópumótinu síðar í mánuðinum. Samkvæmt heimildum handbolta.is var það mat læknateymis landsliðsins eftir skoðun að lokinni æfingu landsliðsins í gær að verulegar líkur væru á að Donni sé kviðslitinn. Sé svo er ljóst að tíminn einn mun ekki bæta þar úr skák.
Donni staðfestir í viðtali við Handkastið að sterkur grunur sé uppi um kviðslit og það megi e.t.v. rekja allt aftur til október. Hann hafi a.m.k. fundið fyrir verkjum í kviðnum síðan. Donni fer á næstunni út til Danmerkur þar sem hann verður skoðaður betur af læknum danska úrvalsdeildarliðsins Skanderborg, hvar Donni er á samningi.
Kviðslit er í flestum tilfellum lagfært með einfaldri aðgerð en sjúklingur þarf af að forðast átök í nokkurn tíma á eftir.
