Stevče Alušovski fyrrverandi þjálfari Þórs á Akureyri hefur verið ráðinn þjálfari Norður-Makedóníumeistara Eurofarm Pelister. Alušovski tekur við Ruben Garabaya sem leystur var frá störfum á dögunum eftir skamma dvöl hjá félaginu.
Alušovski tók við Þór sumarið 2021 en var látinn taka pokann sinn þegar komið var inn á keppnistímabilinu haustið 2022. Hann tók þá við þjálfarateymi GRK Ohrid eftir að heim var komið að lokinni dvölinni á Akureyri. Alušovski lét af störfum hjá GRK Ohrid síðasta vor.
Eurofarm Pelister hefur orðið meistari í handknattleik karla síðustu þrjú ár í Norður-Makedóníu. Liðið er nú í öðru sæti úrvalsdeildar auk þess að taka þátt í Meistaradeild Evrópu.
Alušovski er frá Bitola í Norður-Makedóníu hvar bækistöðvar Eurofarm Pelister eru. Hann hefur þjálfað hjá liðum félagsins áður þau voru sameinuð auk þess að leika með Pelister og fleiri liðum í Norður-Makedóníu auk landsliðsins á sínum yngri árum.
