Framarar lögðu Stjörnuna í kvöld, 36:30, í upphafsleik 13. umferðar Olísdeildar kvenna í handknattleik í Lambhagahöllinni. Leikmönnum Fram tókst þar með að kvitta fyrir tapið fyrir Stjörnunni í fyrsta leik liðanna í Olísdeildinni nokkrum dögum fyrir jólin. Um leið tókst Fram að binda enda á tveggja leikja taphrinu í deildinni. Stjörnukonur töpuðu á hinn bóginn eftir af hafa unnið tvo leiki í röð.
Fram var með þriggja marka forskot þegar leiktími fyrri hálfleiks var úti, 17:14.
Eftir sigurinn í kvöld er Fram aðeins einu stigi á eftir ÍR í fjórða sæti Olísdeildar með 13 stig. ÍR, sem tapað hefur þremur leikjum í röð, á inni viðureign gegn ÍBV annað kvöld í Skógarseli.
Stjarnan situr áfram í næsta neðsta sæti með fimm stig. Þrátt fyrir tapið í kvöld eru ótvíræð batamerki á liðinu í síðustu viðureignum eftir hvert tapði á eftir öðu lengi framan af leiktíð um leið og sjálfstraust leikmanna fjaraði út.
Ásdís Guðmundsdóttir fór á kostum hjá Fram og skoraði 10 mörk. Færeyska handknattleikskonan Natasja Hammer lék við hvern sinn fingur og skoraði 13 mörk í fyrir Stjörnuna.
Sóknarleikur var aðal beggja liða að þessu sinni.
Mörk Fram: Ásdís Guðmundsdóttir 10/4, Harpa María Friðgeirsdóttir 7, Dagmar Guðrún Pálsdóttir 6, Alfa Brá Oddsdóttir Hagalín 4, Sóldís Rós Ragnarsdóttir 3, Valgerður Arnalds 2, Katrín Anna Ásmundsdóttir 2, Hulda Dagsdóttir 1, Sunna Jónsdóttir 1.
Varin skot: Arna Sif Jónsdóttir 6, 33,3% – Ethel Gyða Bjarnasen 4, 18,2%.
Mörk Stjörnunnar: Natasja Hammer 13, Sara Katrín Gunnarsdóttir 5, Inga Maria Roysdottir 5, Eva Björk Davíðsdóttir 5/4, Brynja Katrín Benediktsdóttir 1, Rakel Dórothea Ágústsdóttir 1.
Varin skot: Hrafnhildur Anna Þorleifsdóttir 7, 25,9% – Margrét Einarsdóttir 2, 11,1%.
Tölfræði leiksins hjá HBStatz.
Staðan og næstu leikir í Olísdeildum.
