Andri Már Rúnarsson lék í kvöld sinn fyrsta landsleik á Evrópumótinu í handknattleik karla. Hann varð um leið 85. Íslendingurinn sem tekur þátt í lokakeppni EM fyrir Íslands hönd frá því að landsliðið tók fyrst þátt í EM 2000 í Króatíu.
Andri Már gerði gott betur en að taka þátt. Hann skoraði eitt mark úr tveimur skotum og varð um leið 68. landsliðsmaðurinn sem skorar mark fyrir Ísland í lokakeppnin EM. Alls hefur landsliðið skorað 2.256 mörk í 79 leikjum.
Feta í föðurspor
Andri Már fetar þar með í fótspor föður síns, Rúnars Sigtryggssonar, sem tók þátt í þremur Evrópumótum landsliðs, 2000, 2002 og 2004. Alls lék Rúnar 14 leiki í lokakeppni EM og skoraði 14 mörk.
Einn getur bæst við
Mögulegt er að annar EM-nýliði taki þátt í mótinu að þessu sinni, þ.e. Þorsteinn Leó Gunnarsson. Aðrir leikmenn en Andri Már og Þorsteinn Leó í 18 manna EM-hópnum höfðu reynslu frá að minnsta kosti einu Evrópumóti.
