Vopnin snerust í höndunum á leikmönnum danska úrvalsdeildarliðsins Vendsyssel í síðari hálfleik í viðureign við Silkeborg-Voel á heimavelli í kvöld en með Vendsyssel leika Elín Jóna Þorsteinsdóttir og Steinunn Hansdóttir.
Vendsyssel var þremur mörkum yfir eftir fyrri hálfleik gegn Silkborg-Voel, 14:11. Leikmönnum liðsins féll hinsvegar allur ketill í eld í síðari hálfleik. Alfleiðingin varð sú að gestirnir unnu þegar upp var staðið, 29:26. Vendsyssel er þar með áfram í neðsta sæti deildarinnar ásamt Ajax. Hvort lið hefur eitt stig að loknum sex leikjum.
Elín Jóna hefur oft átt betri leik en í kvöld. Hún varði 5 skot og var með 18% hlutfallsmarkvörslu. Steinunn Hansdóttir skoraði 3 mörk og var með fullkomna nýtingu.
Thea Imani Sturludóttir var ekki á meðal þeirra sem skoruðu fyrir Århus United í átta marka tapleik fyrir Köbenhavn Håndbold, 32:24, í Kaupmannahöfn. Heimaliðið var þremur mörkum yfir í hálfleik, 15:12.
Århus United er í sjötta sæti úrvalsdeildarinnar af 14 liðum með sjö stig að loknum sex leikjum.
Staðan í dönsku úrvalsdeildinni í handknattleik kvenna.
