Fréttatilkynning frá HSÍ vegna leikja í milliriðli á EM karla í handknattleik.
Það er stutt í milliriðil og miðar fara hratt
Ísland tryggði sér tvö stig upp í milliriðil með sigri á Ungverjalandi í gærkvöld. Mikill áhugi hefur verið meðal Íslendinga á að fjölmenna til Malmö, þar sem riðillinn fer fram. HSÍ vill minna þá sem ætla sér að leggja land undir fót og styðja strákana okkar á eftirfarandi atriði.
Öll miðasala fer fram í gegnum mótshaldara eða á eftirfarandi hlekk:
https://www.eventim.se/en/promotion/mens-ehf-euro-2026-island-main-round-178355/?affiliate=26E
Þessi hlekkur leiðir ykkur á það svæði í höllinni þar sem íslenskir stuðningsmenn munu sitja þegar landsliðið leikur sína fjóra leiki.
Mikilvægt er að íslenskir stuðningsmenn sem ætla sér að mæta og styðja strákana tryggi sér miða sem fyrst, þar sem búast má við að miðarnir seljist hratt upp.
Fjölmennum til Malmö og höldum partýinu gangandi!
Stolt. Eldur. Ís.
