Myndasyrpa: Kristianstad Arena kvödd með söng

- Auglýsing -

Eftir magnaða frammistöðu þá kvöddu á þriðja þúsund Íslendingar keppnishöllina í Kristianstad í gærkvöld þegar íslenska landsliðið hafði unnið ungverska landsliðið í þriðju umferð riðlakeppninnar, 24:23. Íslensku stuðningsmennirnir settu stórkostlegan svip á allar þrjár viðureignir landsliðsins. Leikmenn landsliðsins og starfsfólk kunni svo sannarlega að meta stuðninginn sem var áþreifanlegur.

Í lokin sungu allir saman „Lífið er yndislegt“ en hámarkinu var að margra mati náð með sjálfssprottnum söng stuðningsmanna á „Ég er kominn heim“ áður gengið var út hrollkalt janúarkvöld í Kristianstad.

Hafliði Breiðfjörð ljósmyndari hafði að vanda auga á stuðningsmönnum landsliðsins í lokadansi þeirra í gærkvöld. Hluti þeirra mynda sem hann tók birtist hér fyrir neðan.
^{-Smellið á myndirnar til þess að sjá þær stærri.}