Haukar tylltu sér í þriðja sæti Olísdeildar kvenna í handknattleik með sannfærandi sigri á Stjörnunni, 28:24, í upphafsleik 14. umferðar. Leikið var í Hekluhöllinni í Garðabæ. Haukar voru einnig fjórum mörkum yfir þegar fyrri hálfleikur var á enda runninn, 16:12. Þetta var annað tap Stjörnunnar í röð eftir tvo sigurleiki þar áður.
Haukar hafa 15 stig í þriðja sæti, hafa komist einu stigi upp fyrir ÍR-inga sem eiga leik inni við Selfoss í Sethöllinni á sunnudaginn klukkan 15. Stjarnan er næst neðst sem fyrr með fimm stig.
Sara Sif Helgadóttir átti stórleik í marki Hauka. Hún varði 19 skot, þar af tvö vítaköst, liðlega 44% hlutfallsmarkvarsla.
Jóhanna Margrét Sigurðardóttir og Embla Steindórsdóttir voru einnig öflugar hjá Haukum. Hvor um sig var með sex sköpuð færi. Jóhanna skoraði átta mörk og Embla fjögur.
Hjá Stjörnunni kvað hvað mest að Evu Björk Davíðsdóttur eins og stundum áður. Hún skoraði sex mörk. Natasja Hammer skoraði fjögur mörk og var með 12 sköpuð færi. Margrét Einarsdóttir markvörður Stjörnunnar stóð sig einnig vel gegn gömlum samherjum eins og Natösju. Margrét varði 14 skot, þar af eitt vítakast, 36%.
Staðan og næstu leikir í Olísdeildum.
Mörk Stjörnunnar: Eva Björk Davíðsdóttir 6/1, Sara Katrín Gunnarsdóttir 4/1, Natasja Hammer 4, Hanna Guðrún Hauksdóttir 3, Rakel Guðjónsdóttir 2, Inga Maria Roysdottir 2, Vigdís Arna Hjartardóttir 1, Brynja Katrín Benediktsdóttir 1, Guðmunda Auður Guðjónsdóttir 1.
Varin skot: Margrét Einarsdóttir 14/1, 35,9%. – Hrafnhildur Anna Þorleifsdóttir 0.
Mörk Hauka: Jóhanna Margrét Sigurðardóttir 8/3, Rakel Oddný Guðmundsdóttir 4, Embla Steindórsdóttir 4, Sonja Lind Sigsteinsdóttir 4, Inga Dís Jóhannsdóttir 2, Sara Marie Odden 2, Thelma Melsted Björgvinsdóttir 2, Aníta Eik Jónsdóttir 1, Alexandra Líf Arnarsdóttir 1.
Varin skot: Sara Sif Helgadóttir 19/2, 44,2%.
