Erna Guðlaug Gunnarsdóttir átti stórleik fyrir ungmennalið Fram í kvöld er það lagði Gróttu, 26:23, í Grill66-deild kvenna í handknattleik í Hertzhöllinni á Seltjarnarnesi í kvöld. Erna Guðlaug skoraði 11 af mörkum Framliðsins en þetta var fyrsti leikur liðsins í deildinni á keppnistímabilinu. Um var að ræða annan leik Gróttu.
Fram-liðið, sem m.a. vann Grill66-deildina á síðasta keppnistímabili, var með yfirhöndina í leiknum í Hertzhöllinni í kvöld. Þegar flautað var til hálfleiks var munurinn fimm mörk, 15:10, Fram í hag. Gróttu tókst aðeins að saxa á forskot Framara í síðari hálfleik. Minnstur var munurinn tvö mörk en sigur Fram var aldrei í hættu, eftir því sem næst verður komist.
Mörk Gróttu: Rut Bernódusdóttir 8, Katrín Anna Ásmundsdóttir 5, Katrín Helga Sigurbergsdóttir 4, Nína Líf Gísladóttir 3, Valgerður Helga Ísaksdóttir 2, Hrafnhildur Hekla Grímsdóttir 1.
Mörk Fram u: Erna Guðlaug Gunnarsdóttir 11, Valgerður Arnalds 3, Íris Anna Gísladóttir 3, Svala Júlía Gunnarsdóttir 3, Margrét Castillo 2 Elísabet Ósk Ingvarsdóttir 2, Dagmar Pálsdóttir 2.
Staðan og næstu leikir í Grill66-deild kvenna er hér.
