- Auglýsing -
Norðmennirnir Lars Jørum og Håvard Kleven dæma viðureign Svíþjóðar og Íslands í milliriðlakeppni Evrópumóts karla í handknattleik leik dag. Þar með verða Norðurlandabúar í helstu burðarhlutverkum leiksins sem hefst í Malmö Arena klukkan 17. Úrslit leiksins geta haft mikið að segja um hvaða stefnu íslenska landsliðið tekur á Evrópumótinu.
Jørum og Kleven eru þrautreyndir dómarar sem hafa dæmt á flestum stórmótum í karlaflokki síðustu ár.
Leikurinn í dag verður sá fyrsti sem Norðurlandabúar dæma hjá íslenska landsliðinu á mótinu. Spánverjar hafa dæmt tvær viðureignir, Ísland – Ítalíu og Ísland – Króatíu. Norður-Makedóníumenn dæmdu viðureign Íslands og Ungverjalands og Serbar héldu uppi röð og reglu í leik Íslands og Póllands.
- Auglýsing -
