- Auglýsing -
„Viggó er laskaður eftir leikinn í gær en hann verður með á morgun. Við fylgjumst bara grannt með honum og höldum honum í meðhöndlun hjá okkar sjúkraþjálfurum allan sólarhringinn ef því er að skipta,“ sagði Snorri Steinn Guðjónsson landsliðsþjálfari spurður út í ökklameiðsli Viggós Kristjánssonar sem virtust síst hafa batnað við leikinn gegn Svíum í gær þar sem Seltirningurinn fór á kostum og skoraði m.a. 11 mörk og geigaði ekki á skoti.
Dreifa þarf álaginu
„Ljóst er þó að þótt Viggó verði leikfær þarf ég að dreifa álaginu milli hans og annarra,“ sagði Snorri Steinn Guðjónsson landsliðsþjálfari enn fremur.
Næsti leikur íslenska landsliðsins á Evrópumótinu verður gegn Sviss á morgun. Flautað verður til leiks í Malmö Arena klukkan 14.30.
- Auglýsing -
