Portúgalskir bræður, Daniel Accoto Martins og Roberto Accoto Martins, dæma viðureign Íslands og Slóveníu í síðustu umferð milliriðlakeppni Evrópumóts karla í handknattleik í Malmö Arena í dag. Þeir eiga að flauta til leiks hvorki fyrr né síðar en klukkan 14.30.
Martins-bræðurnir hafa ekki leikið með íslenska landsliðinu fyrr á þessu móti. Þeir eru alls ekki nýliðar í hópi dómara á Evrópumóti. Martins-bræðurnir dæmdu m.a. viðureign Íslands og Serbíu á Evrópumótinu í Þýskalandi 17. janúar 2024. Leiknum lauk með jafntefli, 27:27. Þeir sýndu Elliða Snæ Viðarssyni rauða spjaldið í leiknum.
Ef íslenska lansliðið vinnur leikinn við Slóveníu í dag er sæti í undanúrslitum Evrópumótsins tryggt.
Anton og Jónas dæma ekki
Anton Gylfi Pálsson og Jónas Elíasson dæma ekki einn af leikjunum þremur sem leiknir verða í dag í lokaumferð milliriðils eitt í Jyske Bank Boxen í Herning á Jótlandi.
