Trommur hafa lengi verið bannaðar á kappleikjum í Jyske Bank Boxen í Herning sem kemur sér illa fyrir Sérsveitina, stuðningsmannalið íslensku handboltalandsliðanna sem verður á viðureign Íslands og Danmerkur í undanúrslitum Evrópumóts karla í handknattleik í kvöld. Sveitin er þekkt fyrir taktfastan og ákveðinn trommuslátt á kappleikjum íslensku landsliðanna. Sérsveitarfólk lét ekki hug falla þegar fréttist af trommubanninu. Hún kom með norskan „krók“ á móti bragði eða banni, ef svo má segja.
Í dag varð sérsveitin sér út um kúbjöllur í hljóðfæraverslun í Herning og mætir með bjöllurnar á leikinn í kvöld. Kúbjöllur eru leyfðar ásamt hrossabrestum í Jyske Bank Boxen.
Kúabjöllurnar hafa lengi fylgt norsku landsliðunum í handknattleik.
Leikur Danmerkur og Íslands í undanúrslitum Evrópumóts karla í handknatt hefst klukkan 19.30 í Jyske Bank Boxen í Herning.
