Haukar voru í ekki í erfiðleikur með að tryggja sér sæti í þriðju umferð Evrópubikarkeppninnar í handknattleik karla í dag. Þeir unnu Parnassos Strovolou mjög örugglega öðru sinni á tveimur dögum á Nikósíu á Kýpur í dag, 37:25. Samanlagt unnu Haukarnir með 23 marka mun leikina tvo, 62:39.
Dregið verður til þriðju umferðar eftir næstu helgi þegar öllum leikjum í keppninni verður lokið.
Örlítið hik var á Haukum í upphafi leiksins í dag. Þeir voru þremur mörkum undir, 5:2, eftir um sjö mínútur þegar Aron Kristjánsson, þjálfari, tók leikhlé og vakti sína menn. Eftir það var aldrei vafi hvort liðið væri sterkara. Tíu mínútum síðar var munurinn orðinn þrjú mörk, 11:8. Þegar leiktíminn í fyrri hálfleik var úti voru Haukar sex mörkum yfir, 18:12.
Síðari hálfleikur var einstefna af hálfu leikmanna Hauka. Vörn liðsins var góð sem varð þess valdandi að hraðaupphlaupin komu nánast á færibandi. Mestur varð munurinn 13 mörk.
Allir leikmenn á skýrslu í dag fengu að spreyta sig.
Mörk Hauka: Stefán Rafn Sigurmannsson 9/1, Darri Aronsson 6, Tjörvi Þorgeirsson 5, Halldór Ingi Jónasson 4, Geir Guðmundsson 3, Atli Már Báruson 2, Heimir Óli Heimisson 2, Þráinn Orri Jónsson 2, Adam Haukur Baumruk 1, Brynjólfur Snær Brynjólfsson 1, Róbert Snær Örvarsson 1, Þorfinnur Máni Björnsson 1.
Varin skot: Stefán Huldar Stefánsson 11, 35,4% – Magnús Gunnar Karlsson 3, 42,8%. Aron Rafn Eðvarðsson freistaði þess að verja eitt vítakast.
Handbolti.is fylgdist með leiknum í stöðu- og textauppfærslu hér fyrir neðan.
